வடை போகாதிருக்க வழி!

சிறிது நாளாக என் வலைப்பூவில் திருத்தும் விருப்பம் பணி செய்யவில்லை. கூகிள் ஏதோ பிழை சங்கேதக்குறி (Error Code) கொடுத்து புகார் செய்கையில் தரவேண்டிய விபரங்களைக் காட்டியது. குழுவில் புகார் செய்யப் போனல் நமக்கு முன் வடை போச்சே என்று வரிசையில் இருக்கிறார்கள்.

என்னதான் பிழை பார்த்து, முன்காட்சி பார்த்து பதிப்பித்தாலும் இடுகையாய் படிக்கையில் சிறு மாற்றங்களோ பிழைகளோ திருத்த வேண்டுமெனில் பின் சென்று சென்று சரி செய்தாலும் ஒரு முறை மூடிய பிறகு திருத்துவது இயலாததாகிறது. நேரம் கிடைக்கும் போது வரி வரியாக அடித்து சேமித்து வைத்ததும் திரும்பத் திறக்க முடியவில்லை.

எக்ஸ்போர்ட் ஆப்ஷனும் வேலை செய்வதில்லை. துபாய் ராஜா, அப்துல்லா ஆகியோரின் படைப்புக்கள் தொலைந்தது குறித்து படித்ததில் பயம் வந்துவிட்டது. என்னதான் ரீடரில் எல்லாம் கிடைக்குமெனினும் அதையும் எப்படி நம்புவது?

நாம் எழுதுவது குப்பையோ, ரத்தினமோ ஒவ்வொன்றும் நாம் பிரசவித்த குழந்தைகள்போல் அல்லவா? தரவிறக்கம் செய்ய ஏதாவது வழியிருப்பின் காப்பாற்றிக் கொள்ளலாம் என்று தோன்றியது. அழுதாலும் பிள்ளை அவள்தான் பெறவேண்டும் என்று சொலவடை இருக்கிறதே. வேறே வழி, கூகிளாண்டவரிடம் முறையிட்டதில் போகாத ஊருக்கு வழி (இல்லை எனக்குதான் புரியவில்லையோ?) நிறையக் காட்டினார்.

இதெல்லாம் வேலைக்காவாது என்று ந‌ண்ப‌ர் சூர்யாக‌ண்ண‌னிட‌ம் முறையிட்டேன். ஆயிர‌ம் வேலைக‌ளுக்கிடையேயும் உட‌னே தேடி சில‌ ப‌ல‌ இணைப்புக்க‌ளைக் கொடுத்தார். உருப்ப‌டாத‌ அரைகுறை டேம‌ஜ‌ரின் புண்ணிய‌த்தில் டென்ஷ‌ன் கூடிய‌து. எந்த‌ இணைப்பு கொடுத்தாலும், குழும‌ம், விள‌ம்ப‌ர‌ம் என்று வ‌டிக‌ட்டிச் சாக‌டித்த‌து.

வீட்டில் முய‌ன்ற‌தில் மிக‌ மிக‌ அருமையாக‌ .xml file தரவிரக்கம் செய்ய முடிந்தது. மொத்தமாய் வடை போகும் போது பதிவை அழித்து மீண்டும் அதே பெயரில் திறக்கலாம். தரவிறக்கம் செய்ததை ஒரு பேக்கப் பதிவில் ஏற்றி அடுத்த இடுகை போடுமுன் முந்தைய இடுகையையும் ஏற்றலாம். பின்னூட்டங்களும் கூட தரவிறக்க முடிவதால், இடுகைகள் முழுமையாக திரும்பக் கிடைக்கும்.

சூர்யா கொடுத்த சுட்டி இதோ:

 http://bloggerbackup.codeplex.com/Release/ProjectReleases.aspx?ReleaseId=12201

நன்றி சூர்யா.

__/\__