கை போனாலென்ன நம்பிக்'கை' இருக்கும் வரை

எனக்குள் நான் கண்ட என் திறமை உலகில் ஒவ்வொருவருக்குள்ளும் ஒரு திறமை இருக்கிறது என நம்பச் செய்கிறது. ஒவ்வொருவரும் தனக்குள் ஏதோ ஒரு திறனை அடையாளம் காண முடியும்.. டக் லான்டிஸ்.

இந்தப் படங்களை வரைந்தவர் கலிஃபோர்னியாவைச் சேர்ந்த டக் லான்டிஸ். 15 வயதில் உயர் நிலைப் பள்ளியில் மல்யுத்தப் போட்டியில் கழுத்தின் கீழ்ப்பகுதிகள் செயலிழந்தவர். தொலைக்காட்சி பெட்டிமுன் அதிக நேரம் செலவழிப்பதைக் கண்ட இவர் சகோதரர் மான்டி படம் வரைய போட்டி போட அழைத்து வாயில் பென்ஸிலை வைத்த நேரத்தில் தொடங்கியது தேடல். மிகப் பொறுமையாக தனக்கேயுரித்தான பாணியை வளர்த்துக் கொண்ட இவரின் படங்கள் பிரமிப்பூட்டுகின்றன. குறிப்பாக கண்களும், உடலமைப்பும்.

இறைவனோ இயற்கையோ ஓவ்வொரு மனிதனுக்குள்ளும் என்னவெல்லாம் ஒளித்திருக்கிறது! அடையாளம் காணாமல் நாம் தான் தொலைக்கிறோம் போல.

மற்ற ஓவியங்களைக் காண காணொளியை சொடுக்கி முழுத்திரையில் கண்டு பிரமியுங்கள்:

Doug Landis

இவரின் பேட்டியைக் காண இங்கே சொடுக்கவும் :
http://www.mouthart.com/mouthart/frame_info.html

லாண்டிஸ் வரைந்துக் கொண்டே அளிக்கும் பேட்டி:

***

நம்பிக்கை நட்சத்திரங்கள்

இறையாண்மை, ஓரளவு, தந்தி, தபால், தொலைபேசி, சவடால், ஷோ காட்ட உண்ணாவிரதம், ஆரம்பிக்கும் போதே உள் பூசல், என் தாவல் கேவலமா, உந்தாவல் உசத்தியா பட்டிமன்றம், மனித சங்கிலி இத்தியாதி பிலிமெல்லாம் காட்டி கால்ல விழுந்தேன், கை புடிச்சி கெஞ்சினேன்னு கதை அளக்கும் அரசியல் தலைவர்களே! என்னமோ நாமெல்லாம் காட்டுக்குள்ள இருந்து நீங்க‌ சொல்ற கதையத்தான் நம்பறோம்னு நினைச்சிருக்கீங்க போல. வலைமனை இருக்குங்கய்யா. பத்திரிகை எல்லாம் விளம்பரத்துக்கும், மணியடிக்கவும், ஆளும் கட்சி போராட்டம்னு சொல்றப்போ மட்டும் அப்பாவி தமிழர்கள் கொலைச் செய்தியும், மற்ற நேரம் புலி பிடிச்ச கணக்கும் போட்டாலும். எனக்கு பிரமிப்பா இருக்கு. அரசியல் தலையீடு இல்லாததே பெரிய நிம்மதி. இளைஞர்கள் முன்னெடுக்க, பொடியனுகளுக்கு என்ன தெரியும்னு இல்லாம பெருசுகள் கூடி மாணவ இனத்துக்கே வழிகாட்டியாய் அகில உலகத்தில அதும் தமிழ்க்குடிகள் செய்யும் அறப்போர். காந்திக்கு நிகராக அஹிம்சா வழியில், தடியடியோ, நாய் மிரட்டலோ, தண்ணீர் பீரங்கியோ, கொட்டும் மழையோ, கூசும் குளிரோ உள்ளிருக்கும் சுதந்திர வேள்வித்தீக்கு முன்பாக எதுவும் பொருட்டில்லை என்ற இந்த சாதனைக்கு, இயலாமல் இங்கு தவிக்கும் ஒவ்வொருவரும் தலை வணங்க வேண்டும். நடத்துங்க ராசாக்களா. உங்கள் மண்ணில் உங்கள் வேர் பதியும். விருட்சமாய் வளர்வீர்கள். அடுத்த தலைமுறை நன்றாகவே இருக்கும் என உணர்த்தும் நம்பிக்கை நட்சத்திரங்களே! வாழ்க நீங்கள். வெற்றி உங்களுக்கே. இயலாதுன்னு ஒதுங்கி நின்றிருந்தால், இங்கும் மாணவ மணிகள் நடத்திக் காட்டி இருப்பார்கள். ஒரு செருப்பால் சாதிக்க முடிந்ததை சொல்ல வெட்கமாக இருந்தாலும் சொல்லத்தான் வேண்டி இருக்கிறது. எதற்கு இத்தனை புலம்பல் எனக் கேட்பவர்களுக்கு
:1. பிரித்தானியாவில் இரண்டு லட்சத்துக்கும் மேற்பட்டோர் போராட்டம்.
2. உண்ணாவிரதம் இருந்த இரண்டு மாணவர்களின் கோரிக்கையை ஏற்று பிரிட்டிஷ் அரசு ஒருவரை ஐநா சபையில் 7 நாட்டுத் தலைவர்கள் முன்னிலையில் வன்னி நிலவரத்தினை விளக்கி ஐந்தம்சக் கோரிக்கையை விவாதிக்க ஏற்பாடு.
3. ஆஸ்திரேலியா சிட்னி, மெல்போர்னில் இளைஞர்கள் முன்னெடுக்க பெரும் போராட்டம்.
4. ஃப்ரான்ஸில் நான்கு மாணவர்கள் உண்ணாவிரதம்
5. நோர்வேயில் போராட்டம் மாணவர்கள் முன்னெடுப்பில்
6. சுவிஸ்ஸில் தொடர் போராட்டம்.
பிரியாணி, தண்ணி, கூலி பேசி லாரியில அடைஞ்சி வந்த கூட்டமில்லை. உயிர்ப்போராட்டம். உறவுகளுக்கான போராட்டம்.
தொடுப்பு:
செய்திகள்:
1. http://www.tamilwin.com/view.php?2a26QVF4b3499E824dbSWnPeb0217GGc4d3iYpD3e0dVZLucce03g2hF2ccdHj0o0e
2.http://www.tamilwin.com/view.php?2a26QVF4b3499E824dbSWnPeb0217GGc4d3iYpD3e0dLZLumce03g2hF2ccdHj0o0e
3.http://www.tamilwin.com/view.php?2a08E99F20be1DpYi30ecbo0jH42ccdPZLumc4d3cSWnPd4b34FVQ6obd42iGG71ed0e3Fh2g80e
4.http://swissmurasam.net/news/breakingnews-/13524-2009-04-11-16-40-49.html
5.http://www.tamilwin.com/view.php?2a36QVF4b3499E824dbSWnPeb0217GGc4d3iYpD3e0dTZLucce03g2hF2ccdHj0o0e

காணொளி :(நேரடி ஒளிபரப்பு)
http://www.ustream.tv/channel/tamil-protests
மலர்க தமிழீழம். மாவீரர்கள் கனவு நனவாகட்டும்.

அறிவியல் வரம்

அழிவுக்கு வழிகோலும் அறிவியல் உலகில் சிலர் ஆக்கத்துக்கும் பாடு படத்தான் செய்கிறார்கள். அரக்கர்களின் குண்டு வீச்சில் எத்தனை குழந்தைகள் இப்படி. இவர்களுக்கு இது கிடைத்தால் எத்தனை அறிஞர்கள், எழுத்தாளிகள், ஆசிரியர்கள் உருவாகலாம்.பாருங்கள்
Bionic Hand

_________________________________________________

தலை நிமிர வைக்கும் இந்தியன்