செத்தும்...

உச்சி வெயில் போதில்
உருகும் தார்ச் சாலையில்
உருட்டித் தள்ளி
என் காலுக்கு லாடம்..

ஓரமாய் மர நிழலில்
ஊசியால் குத்துப் படும்
என் தாத்தனின்  தோல்
என் எஜமானனுக்கு செருப்பு..

செத்தும் கொடுத்தான்
எனப் பார் புகழ‌
நாங்களென்ன
மனிதர்களா?
***
தாரை, தப்பட்டை
போஸ்டர், சாராயம்
பூத்தேர், புதுப்புடவை

புதை குழியருகில்
பசியால் மரித்த பாட்டிக்கு
வாய் கொள்ளா அரிசி

துண்டு விரித்த காசில்
துக்கம் சுமந்த கூட்டமென்றறியாமல்
பாலூற்ற அழைக்கிறான்
புதைப்பவன் காசுக்காக..
*****