நறுக்குன்னு நாலு வார்த்த - 65

மு.க. ஸ்டாலினுக்கு துணை முதல்வர் பதவி வழங்கியது ஏன்? கருணாநிதி விளக்கம்

உடல் நிலை காரணம் சரி. ஸ்டாலினுக்கு ஏன்னு ஆற்காட்டார் கேக்கலயா?
__________________________________________
கருணாநிதி பிறந்த நாளையொட்டி குழந்தைகளுக்கு தங்க மோதிரம்; தென்சென்னை தி.மு.க. வழங்குகிறது .

சூப்பர் காரணம். குழந்தைக்கு என்ன வயசு இருக்கலாம்? தங்கம் வில குறைவா இருந்தப்போ வந்த பிறந்த நாள்ள எல்லாம் குடுக்கலையே?
__________________________________________
மந்திரிசபையில் சேருவதை விட கீழ் மட்டத்தில் இருந்து கட்சியை பலப்படுத்தவே விரும்புகிறேன் என்றார்: ராகுல் காந்தி

இப்போதான் அபரிமிதமா பலமிருக்கே. இந்த கதை செல்லாது?
__________________________________________
பல்வேறு தொழில் நுட்ப கருவிகளை வழங்கியதுடன் அவற்றை இயக்குவதற்கு அதிகாரிகளையும் பாகிஸ்தானே அனுப்பி வைத்ததால்தான் இலங்கை ராணுவத்தினர் விடுதலைப்புலிகளை வென்றார்கள் : பாகிஸ்தான் ராணுவம் அதிரடி

இனப்படுகொலைக்கும் போட்டா போட்டியா?
__________________________________________
விடுதலைப்புலிகள் மீண்டும் தாக்கக்கூடும்: பொன்சேகா

மொத்தமா ஒழிச்சாச்சுன்னு சொன்னது என்னா? இப்படி மிச்சம் மீதி சொன்னாதான் கலக்ஷனுக்கு வசதி.
__________________________________________
இலங்கை இறுதி கட்ட போரில் 20 ஆயிரம் அப்பாவி தமிழர்கள் கொலை: இங்கிலாந்து பத்திரிகை தகவல்

அதெல்லாம் தப்பே இல்லைன்னு ஐநா சொல்லியாச்சே? இதே மீனோ, மானோ இருந்தாலாவது புளூக்ராஸ் தொங்க விட்டிருக்கும். இறையாண்மைல இதெல்லாம் சகஜமப்பா!
__________________________________________
ஈழத்தில் பிரபாகரன் தலைமையில் மீண்டும் போர் வெடிக்கும்: திருமாவளவன்

அப்போதும் நாம் வால் பிடிப்போம்.
__________________________________________
இலங்கைக்கு ஆதரவாக ஓட்டு போட்டு இந்தியா மீண்டும் தவறு செய்துள்ளது: வைகோ

இந்தியான்னு சொல்லாதிங்க. காங்கிரஸ்னு சொல்லுங்க. சோனியா தேசம்னு பேரு மாத்தினா கூட எவனுக்கும் உரைக்காது.
__________________________________________
இலங்கை இரங்கல் தீர்மானத்துக்கு அனுமதி மறுப்பு : பா.ம.க. வெளிநடப்பு

அந்த அளவுக்காவது நடிக்காம இருக்காங்களே!
__________________________________________
தமிழர்களின் கோரிக்கையை புறக்கணித்தது இந்தியா: இலங்கைக்கு ஓட்டு போட்டது

கடிதம் போய் சேர்ந்திருக்காது. அதனாலயோ?
__________________________________________
பஸ் கட்டண குறைப்பை அமல்படுத்தக்கோரி 1 ந் தேதி ஆர்ப்பாட்டம்: பா.ம.க.

அவங்களா குறைச்சாலும் ஆர்பாட்டம். இல்லைன்னாலும் ஆர்பாட்டமா?
__________________________________________
மத்திய அமைச்சர்களுக்கு மாத சம்பளம் ரூ.1 லட்சம்

இதுக்கா அவ்வளவு கோடி செலவு பண்ணாய்ங்க. பாவமே!
__________________________________________
அமைச்சரவை இலாகா ஒதுக்கீடு: அழகிரிக்கு உரம் மற்றும் ரசாயனத்துறை

நல்ல வளர்ச்சி இருக்கும். கவலையே வேணாம்
__________________________________________
இந்திய விமானப்படையில் நவீன விமானம் சேர்ப்பு

வாங்கி வைங்க. யாருக்காவது கொடுத்துதவலாம்.
__________________________________________
பயங்கரவாதத்திற்கு எதிரான யுத்தத்தில் பெற்றமைக்கு வாழ்த்து தெரிவிக்கின்றேன்:அமெரிக்க காங்கிரஸ் உறுப்பினர் ஹெத் சூலர்

எல்லா நாட்டிலயும் காங்கிரஸ்காரன் கொலகாரப் பாவிதான் போல.
__________________________________________