நறுக்குன்னு நாலு வார்த்த - 54

சந்தர்ப்பவாத அரசியல்வாதி ராமதாஸ், வைகோவுக்கு தகுந்த பாடம்: சுதர்சனம்

சந்தர்ப்ப வாதமில்லாத அரசியல் வாதின்னு யாராவது இருக்காங்களா. இதில எல்லாருக்கும் வழிகாட்டி நீங்க தானுங்களே.
______________________________________________
7 தொகுதிகளிலும் பா.ம.க.வுக்கு மக்கள் சவுக்கடி கொடுத்துவிட்டார்கள்: மு.க.ஸ்டாலின்

அவிங்க மருந்து போட்டுக்குவாய்ங்க. நீங்க வாங்கின 4 சவுக்கடிக்கு பதில் சொல்லுங்க முதல்ல.
______________________________________________
தோல்வி நாளை வெற்றிக்கு வழி: ராமதாஸ்

அப்போ வெற்றி நாளைக்கு தோல்விக்கு வழியா? பாடம் படிச்சா சரி.
______________________________________________
விளம்பரம் போட்டுத்தான் பாமகவை தேடவேண்டும்: துரைமுருகன்

மறப்போம் மன்னிப்போம்னு ஒரு வசனம் வெச்சிருபீங்களே. விட்டு பாருங்க. தானே வந்துடுவாங்க.
______________________________________________
தமிழ் இனத்தை அழிக்க சிங்கள அரசு திட்டம்:தேமுதிக

ஓட்ட பிரிச்சி நீங்க போட்ட திட்டத்த விடவா? எவன் காசோ எனக்கென்னா போச்சின்னு 40 தொகுதில குத்தாட்டம். இப்போ பேச்சு வேற.
______________________________________________
ஈழப்பிரச்சினையை அரசியலாக்க முயற்சி: திருமா

ஆரம்பிச்சி வெச்ச புண்ணியவானே நீங்க தானுங்களே.
______________________________________________
ஐ.மு.கூட்டணியின் வெற்றிக்கு பாடுபட்டவர் கலைஞர்: ப.சிதம்பரம்

கொஞ்ச பாடா குறைஞ்ச பாடா? உங்க பங்களிப்பில பிரமாதமால்ல பாடு பட்டாரு.
______________________________________________
திமுக-காங். சாதனைகளே வெற்றிக்குகாரணம்:தங்கபாலு

வாய்க் கொழுப்பே என் தோல்விக்கு காரணம்னு சொல்லுங்க பார்க்கலாம். எங்க தலைவர் பதவிக்கு ஆப்பு வருமோன்னு சோப்பு?
______________________________________________
மக்கள் பிரச்சினையை தீர்த்ததால் வெற்றி: மு.க. ஸ்டாலினுக்கு முக்கிய இடம் கிடைக்கும்: கலைஞர்

மக்களுக்கு பிரச்சனையே இல்லையே. ஆனா பாருங்க மக்கள்னா பசங்களையும் சொல்லுவாய்ங்கள்ள? அதான் முக்கிய இடம்னு சொல்லிட்டீங்களோ? மத்த அய்யா பிரச்சன பண்ணப்போறாரு.
______________________________________________
நிர்வாகிகளுடன் ராமதாஸ் ஆலோசனை

என்னான்னு. நீங்கள்ளாம் வாக்களிச்சி தான் கூட்டணி மாறுனது. என் தப்பில்லைன்னு சொல்லவா?
______________________________________________
காங்கிரஸ் காரிய கமிட்டி இன்று கூடுகிறது

சாவடிச்சவங்களுக்கு காரியம்கூட இல்ல. பண்ண யாரும் மிஞ்சப்போரதுமில்ல. இவிங்களுக்கு கமிட்டி வேற.
______________________________________________
காங்கிரசுடன் கூட்டணி வைக்காதது தவறு:லாலுபிரசாத்

தொலைபேசில இதான் சொன்னிங்களா? காமெடியன் இமேஜ்ல இது ஒரு வசதி. சாரி சொன்னா மந்திரி பதவி தந்துடுவாங்களா?
______________________________________________
லாலுபிரசாத்துடன் சோனியா தொலைபேசியில் பேச்சு

3 சீட் தருவேன்னு சொன்ன திமிருக்கு 3 சீட் தானே கிடைச்சதுன்னு வெறுப்பேத்தினாங்களா?
______________________________________________
எதிர்க்கட்சி தலைவர் பதவி வேண்டாம்: அத்வானி

அப்படி எல்லாம் அடம் பிடிச்சா ஆளும் கட்சி தலைவராய்ட முடியாதுங்க.
______________________________________________
பிரதமராகும் தகுதி ராகுலுக்கு உள்ளது: சிந்தியா

அதென்னாங்க தகுதி. அதையும் சொன்னா நாங்களே தெரிஞ்சுக்குவமில்ல?
______________________________________________
3வது அணி தலைவர்கள் கூட்டம் ஒத்திவைப்பு

தோத்தப்புறம் கூட என்ன 3வது அணி.
______________________________________________
என் தோல்விக்கு கட்சி பூசலே காரணம்: தங்கபாலு

தலைவரா இருக்கத் தகுதி இல்லை? கட்சியை கட்டுப்பாட்டில வைக்க முடியலன்னு அர்த்தம் தானே? விடு ஜூட்.
______________________________________________