அன்றும் இன்றும்

சின்ன விரல் பிடித்து
சிறுநடை தான் நடந்து
சிக்கு புக்கு காட்டி
சிரித்த படி திரும்பி வர‌

பச்சைப் புல் பார்க்கில்
படுத்துப் புரண்டாடி
சேற்றில் குதித்தாடி
செம்மண் தூசிபட‌

செக்கர் வானில்
சூரியன் மறைந்தொளிய‌
சேர்ந்தே வீடு வந்து
செம்மையாய் குளித்திட்டு

சோர்வாய் நான் சாய‌
சொக்கிய நீ மடி சாய‌
சொல்லாத கதைகளெல்லாம்
சொன்னபடி நான் இருக்க‌

அம்புலி காட்டி
அன்னையவள் சோறூட்ட‌
அயர்ந்து பூப்போல் நீ
தூங்கியது அக்காலம்.

சிணுங்கி அழுதிட்டால்
செல்ஃபோன் தந்திட்டு
விளையாட அழைத்திட்டால்
விடியோ கேம்தான் தந்து

தொல்லை இதுவெனவே
தொலைக்காட்சிதான் காட்டி
விழுங்க அடம் பிடிப்பின்
விளம்பரம் தான் காட்டி

சேற்றை அடைத்தாற்போல்
சோறு பிசைந்தூட்டி
சீக்காய்  கிட‌ந்திடினும்
சீரிய‌ல் க‌ண்ட‌ழுவார்!

அன்பாய் வ‌ள‌ர்த்த‌துவே
அன்பில்லம் சேர்க்கையிலே
க‌ட‌மைக்கு வ‌ள‌ர்த்த‌துவோ
க‌டைசியில் கைதாங்கும்?
______/\______