கொசுக்கடி தாங்கல நாராயணா!

இப்பல்லாம் நாராயணன்னு பேர் இருந்தாலே அழிவுக்குதான் வழி சொல்லுவாங்க போல. கடந்த 22ம்தேதி சூரிய கிரகணம் வரு முன்னரே இருக்கிற தீவு, கடலோர நாடுகள் பேரு எல்லாம் சொல்லி சுனாமி வரும். பூகம்பம் வரும்னு பீதிய கிளப்பினாரு. அப்புறம் சத்தமே காணோம். இரண்டு நாட்களாக சென்னையில் பூகம்பம், கடல் உள் வாங்கியதுன்னு செய்தி வரவும் கிளம்பிட்டாருய்யா கிளம்பிட்டாரு. அப்போவே சொன்னாராம். நடந்துடிச்சாம். அவனவனும் புதுவருடம் பிறந்தாலாவதுன்னு எப்படியோ ஒரு நம்பிக்கையில இருப்பாங்க. அது பொறுக்கலை இவருக்கு. 2010ல் பூகம்பம் வருமாம். ரொம்ப ஜாக்கிரதையா பதினாறு மாசத்துக்கு அதோட தாக்கம் இருக்குமாம். தெரியாம கேக்குறேன். அதுக்குள்ள அடுத்த புது வருடம் வருமே. அது ஒண்ணும் பண்ணாதா?

பன்றிக்காய்ச்சல் பரவுதா? இவங்க பங்குக்கு ஏதாவது பண்ண வேணாமா? வந்துட்டாரு இவரு. பஞ்சாங்கத்து பாட்டுல சொல்லி இருக்கிறது பன்றிக் காய்ச்சல் தானாம். டெங்கு, எலி ஜூரம்னு கூட ஏதாவது சேர்ந்தா என்ன சொல்லுவாரோ தெரியலை. ஆக இதையும் முன்னாடியே கண்டு பிடிச்சி பாட்டில போட்டிருக்காங்க. இந்தாளு முன்னாடியே ஏன் சொல்லலைன்னு புடிச்சி உள்ள போட்டா இந்த டுபாக்கூர் வேலை நிக்குமோ தெரியவில்லை. ஏதோ பதிகம் படிக்கணும்னு சொன்னா அது பரவாயில்லை. நம்புறவன் பண்ணிட்டு போவான். யாகம் பண்ணனுமாம். கும்பல் சேரக் கூடாதுன்னு அரசு அலறுது. இதில யாகம்னு வசூல் பண்ணி கும்பல் கூட்டி புகைல இருமல் வருதா, பன்னிக் காய்ச்சல் இருமலான்னு தெரியாம சாவணும்.



இது பாவம் சாமினிய மக்களைப் பிடிச்சி ஆட்டிட்டிருக்கிற வன்கொடுமைங்க. எந்த பெயிண்ட் காண்ட்ராக்டரோ மிஞ்சிப் போன பெயிண்ட அடிச்சி ஆரம்பிச்சானா? இல்ல பெயிண்ட் கம்பெனி இந்த கலர்ல எல்லாம் பெயிண்ட் மிஞ்சி போச்சி. தள்ளிவிட வழின்னு கண்டு பிடிச்சானா தெரியல. வாஸ்து பெயிண்டிங்காம். கண்ண உறுத்துற கலர் எல்லாம் சேர்த்து ஒண்ணுக்கு ஒண்ணு சம்பந்தமில்லாம வசதிக்கேத்த படி கலர் கலரா அடிச்சா வாஸ்து வாரி வழங்குதாம். பாவம் மாட்டுறதெல்லாம் ஏழ பாழைங்கதான். கடன உடன வாங்கி ரெண்டு கலராவது அடிக்குதுங்க. பணக்காரங்க, அல்லது கொஞ்சம் மேல் தட்டு மக்கள், நடுத்தர மக்கள் வசிக்கும் இடத்தில் இந்தக் கூத்து இல்லை. எப்படியெல்லாம் காசு பார்க்குறாங்க.