நறுக்குன்னு நாலு வார்த்த - 93

இலங்கையின் நீண்டகாலத் திட்டத்தின் பிரகாரமே பத்மநாதனின் கைது: கோத்தபாய

என்னாமா சீன போடுறாண்டா சாமி. என்னைக்காவது கத்தரிக்கா கடைக்கு வரும்டி.
_____________________________________________________
கிழக்கு மாகாணத்தை கட்டியெழுப்புவதற்காக இளைஞர், யுவதிகள் மத்தியில் புரட்சி அவசியம் - முதலமைச்சர் சந்திரகாந்தன்

அதுமட்டும் வந்திச்சோ நீயெல்லாம் காணாம போய்டுவியே ராசா. இனிமே காட்டிக்குடுக்க ஆளில்லைன்னு புரட்சி அவசியமாச்சோ?
_____________________________________________________
தமிழ் பேசுவோரை அகதிகளாக ஏற்றதற்காக கனடா வருத்தப்படும் -கனடாவிலுள்ள இலங்கைத் தூதுவர் தெரிவிப்பு

தான் கெட்ட குரங்கு வனத்தையும் கெடுத்ததாம்னு சொலவடை. எங்கயும் தமிழன் வாழ்ந்துடப்படாது. உனக்கு கடன் குடுத்ததுக்கே வருத்தப்படலையேங்க.
_____________________________________________________
தமிழர்களின் துயரம் நீக்கப்படும்வரை இலங்கைக்கு விஜயம் செய்யப்போவதில்லை - இந்திய விஞ்ஞானி சுவாமிநாதன் திட்டவட்டம்.

இதுக்கே இன்னொரு நோபல் தரலாம்யா.
______________________________________________________
கொழும்பில் மறைத்து வைத்துள்ள ஆயுதங்களை மீட்டு அழிக்கும்வரை சமாதானம் ஏற்பட்டுவிட்டது என கூறமுடியாது: பிரதமர் ரத்னசிறி

வேற இடத்தில இருந்தா பரவால்லயா? ஜெ. வி. பி. ஆயுதமும் சேர்த்துதானே?
______________________________________________________
விடுதலைப் புலிகளிடம் இருந்து கைப்பற்றிய ஆயுதங்களை விற்கமுயலும் இலங்கை அரசு

அட நன்னாறிப்பயலே! எடுத்ததே பிச்சை. அதையும் அங்க குடுத்து திரும்ப எடுத்து காசாக்க பாக்குறான் பாரு.
_________________________________________________

அவசர நோளர்களைக் கூட அடையாள காண முடியாத நிலையில் வவுனியா முகாம் - எல்லைகள் அற்ற மருத்துவர்கள் அமைப்பு

காப்பாத்த நினைச்சாதானே அடையாளமெல்லாம். தானா ஒழிஞ்சதுன்னு விடுவான்.
__________________________________________________
1,750 கோடி திட்டம்:சீன வங்கியுடன் இலங்கை அரசு ஒப்பந்தம்

போற போக்கு பார்த்தா அவன் இவன் குடுக்கறதெல்லாம் வாங்கி இவனே ஒரு போட்டி உலக வங்கி ஆரம்பிச்சிடுவான் போலயே. கண்ணு மண்ணு தெரியாம குடுக்கிறானுவளே.
__________________________________________________
இரவு 10 மணிக்குத்தான் காலை ஆகாரம்: மிக மோசமான நிலையில் வவுனியா முகாம்

அடுத்த நாள் காலை ஆகாரம் முன்னாடியே குடுக்குரோம்பான். ராத்திரி குடுத்தா அப்புறமென்ன காலை ஆகாரம்?
_________________________________________________
பன்றிக்காய்ச்சலை கட்டுப்படுத்தக்கோரி சென்னையில் 16 ந்தேதி அ.தி.மு.க. ஆர்ப்பாட்டம்: ஜெயலலிதா

இவிங்க இருந்தப்ப எலிக்காய்ச்சல் என்ன பாடு படுத்திச்சி? எல்லா வசதியும் பண்ணித்தறோம். நீ கட்டுப் படுத்துன்னா கத தெரியும்.
_________________________________________________
விடுமுறை நாட்களில் மகளிர் ரயில் ஓடாது!

அன்னைக்கு மகளிர் யாரும் வெளிய போறதில்லைன்னு சொல்லிட்டாங்களா?
_________________________________________________
ஓட்டுப்போடக்கூடாது என ஜெ., கூறுவது தேசத் துரோகம்: கனிமொழி

ஓட்டுப் போடுங்கன்னு நீங்க சொன்னது இனத் துரோகம்னு கத்தினமே. கேட்டிங்களா என்ன?
_________________________________________________
திருவள்ளுவர்-சர்வக்ஞரின் கருத்துக்கள் ஒன்றுதான்: அன்பழகன்

மனசாட்சியோட சொல்லுங்க பேராசிரியர் அய்யா? இப்படி ஒரு ஆள் இருக்கறதாவது தெரியுமா உங்களுக்கு ரெண்டு வாரத்துக்கு முன்ன?
__________________________________________________
தமிழக, கர்நாடக மக்களுக்காக சகோதர பாசத்தோடு பாடுபடுவோம்: கலைஞர்

அதான் பங்கு பிரிச்சிக்கிட்டு காவேரி எனக்கு, ஹோகேனக்கல்லும் வேணும்னு நிக்கிறானோ? பாடுதான் படணும்.
___________________________________________________