வாழ நினைத்தால் வாழலாம்...

வாடுற மல்லி தரையில
ஊதுற பீடி கடையில

காய் கறிங்க தெருவுல
காலணியெல்லாம் குளுகுளு கடையில

மூலக் குத்துன்னு சாமி வெளியில
மூத்திரம் போற இடம் நடுவூட்டுல

காதம் இருக்க கண்ணுக்கு ஷேடு போட்டு கந்தம்பேரனாடாம்பாரு பெருசு அப்ப
கவிதா மவன் மாமான்னா எந்த கவிதான்னு கேக்குறான் தாய்மாமன் இப்ப

செங்கல்லு வெல எங்கயோ
செல்ஃபோன் மாத்திரம் ஒன்னு வாங்கினா ரெண்டு

அரிசி பருப்பு வெல ஆகாசத்துல
அளகான டிவி பொட்டி அடிமாட்டு விலையில

கடனாளியாயிட்டமுன்னு கயித்துல தொங்கினது ஒரு காலம்
க்ரெடிட் ரேட்டிங் எகிறிப் போச்சுன்னு காலரைத் தூக்கி விட்டுக்குறது இக்காலம்

கோவில் தரிசனம் கோடி புண்ணியமாம்
செல்ஃபோன் டவர் தரிசனத்துக்கு என்ன பெலன்னு யாரு சொல்வா?

பொச்சு நாக்குட்டிய தவறாம வாக்கிங்கு
பெத்த புள்ள கையில ரிமோட்டோட சிட்டிங்கு

ரெகமண்டேசன் லெட்டரு, ப்ளாக்குல டிக்கட்டு வாங்கி பெருமாளுக்கு நேர்த்தி
பெத்த தாய் தகப்பன சுமையின்னு இல்லத்துல சேர்த்தி

மின்சாரம் சிக்கனம்னு கோடியா செலவு பண்ணி வெளம்பரம்
ஊட்டுக்கு ஊடு ஓசில அரசு தொலைக்காட்சிப் பொட்டி

பேசாதிருன்னு சொல்லிட்டு போச்சு பெருசு
பேசிட்டே இருன்னு விளம்பரம்போடுது அரசு

செவிட்டு மிசின வெக்கணுமேடான்னு வெக்கப்பட்டது அப்போ
கருவண்டு மிசின காதில மாட்டாதவன் மனுசனேயில்லை இப்போ

ஃபிட்டிங் சரியில்லைன்னு ஃபிட்ஸ் வந்தா மாதிரி டெய்லரை கிழிச்சது அப்போ
தொள தொளன்னு  வாங்கி ஆல்ட்ரேசன் பண்ணி லூஸ் ஃபிட்டிங்னு ஃபேசனாச்சு இப்போ

சுத்தி சுத்தி வந்து அந்த சீலைய காண்பி, இந்த வேட்டியக் காண்பின்னு சொல்லுவாரு மொதலாளி அப்ப
சுத்திலும் காமெரா வச்சு  வாங்கவந்தவன் திருடுறானான்னு நோட்டம் விடுறாரு இப்ப

சொகமா இருக்கியளான்னு சாரிக்கிறது போச்சே
எனக்கு சக்கரை உனக்கு ப்ரசரான்னு அலட்டிக்கறதாச்சே

ஆனா ஒன்னுடே.. சுகமெல்லாம் குறைஞ்சாலும்
இப்படி நாப்பொழைப்பு பொழைக்க சாவுற வயசு மட்டும் கூடிப்போச்சு மாத்திரை மருந்து புண்ணியத்துல..

(பொறுப்பி: மொத ரெண்டு பொலம்பலுக்கு சொந்தக்காரரு பழமைபேசி. மிச்சம் நீ பொலம்பு பார்க்கலாம்னு ஏத்திவிட்டாரு..அவ்வ்வ்)

~~~~~~~~~~~~~~